Իրաքի հյուսիսում քարանձավի որոնողական գործողություններից հետո մեթան գազի թունավորումից 12 թուրք զինվոր է մահացել։
Թուրքիայի պաշտոնական աղբյուրների փոխանցմամբ՝ զինվորները քարանձավներում քուրդ զինյալների կողմից նախկինում սպանված իրենց զինակցի մասունքներն էին փնտրում։
Հաղորդվում է, որ ընդհանուր առմամբ 19 զինվոր է թունավորվել, որոնցից 12-ը մահացել են։
Քարանձավը, որտեղ տեղի է ունեցել միջադեպը, գտնվում է 852 մետր բարձրության վրա և նախկինում Քրդական բանվորական կուսակցությունն այն օգտագործել է որպես դաշտային հոսպիտալ։
