ԱՄՆ նախագահ Դոնալդ Թրամփը կիրակի օրը հայտարարել է, որ այն երկրները, որոնք միանում են BRICS դաշինքի «հակաամերիկյան քաղաքականությանը», կբախվեն լրացուցիչ 10 տոկոս մաքսային տուրքերի:
«Այս քաղաքականությունից բացառություններ չեն լինելու»,- գրել է Թրամփը Truth Social հարթակում:
Նա, սակայն, չի հստակեցրել, թե կոնկրետ ինչ նկատի ունի «հակաամերիկյան քաղաքականություն» ասելով։
BRICS-ի սկզբնական կազմը ձևավորվել է 2009 թվականին՝ ներառելով Բրազիլիան, Ռուսաստանը, Հնդկաստանը և Չինաստանը։ Դրանից հետո դաշինքին միացել է նաև Հարավային Աֆրիկան։ Նախորդ տարի BRICS-ն ընդլայնվել է՝ ընդգրկելով Եգիպտոսը, Եթովպիան, Ինդոնեզիան, Իրանը, Սաուդյան Արաբիան և Արաբական Միացյալ Էմիրությունները։
Դաշինքի երկրների ղեկավարները կիրակի իրենց եզրափակիչ հռչակագրում դատապարտել են Իրանի դեմ ԱՄՆ-ի և Իսրայելի հարվածները՝ մտահոգություն հայտնելով քաղաքացիական ենթակառուցվածքների և միջուկային օբյեկտների դեմ ուղղված հարվածների կապակցությամբ։
